Google ADS

Nuk zhvillohen ndeshje prej një muaji, çudira me mbylljen e stadiumit “Air Albania”

13:59 | 21 Prill 2022
Lorik Gerbeshi

Prej një muaji stadiumi “Air Albania” është mbyllur dhe nuk po zhvillohen më aty ndeshje të Kategorisë Superiore.

FSHF-ja ka argumentuar këtë kyçje të impiantit më modern në vend për shkak se më 25 maj do të zhvillohet finalja e parë në historinë e kompeticionit më të ri të UEFA-s, Liga e Konferencës.

Natyrisht ky event është historik edhe për futbollin shqiptar, por ajo që habit është fakti se në asnjë vend tjetër në Europë, qoftë për finale të Ligës së Kampioneve apo të Ligës së Europës, nuk mbyllet stadiumi një muaj para.

Tashmë edhe derbi Partizani-Tirana, i parashikuar të zhvillohet më 8 maj, me shumë mundësi nuk do të luhet në “Air Albania”.

FSHF-ja duhet të marrë një leje nga UEFA, në mënyrë që të lejojë zhvillimin e derbit në këtë impiant./Panoramasport/

Shpërndaje në rrjete sociale

Lajmet më të lexuara

Të ngjashme

Foto lajm